Futbol bo‘yicha Osiyo Chempionlar Ligasining “B” guruhida ishtirok etayotgan Toshkentning “Bunyodkor” klubi Eronda “Zob Ohan” klubiga mag‘lub bo‘ldi. Natijada Sergey Lushchan jamoasi 4-turdan 2 ochko bilan guruhning so‘nggi o‘rindagi jamoasiga aylandi.
“Bunyodkor” Chempionlar Ligasining 2015-yilgi mavsumi guruh bosqichida 6 ta o‘yin o‘tkazib, shularning 5 tasida mag‘lub bo‘lgan va 1 tasida durang o‘ynagandi. 2016-yil hisobidan esa hozircha 2 ta durang va 2 ta mag‘lubiyat.
Mag‘lubiyatga qaramay, “Bunyodkor” guruh bosqichini muvaffaqiyatli yakunlash imkoniyatini nazariy jihatdan saqlab turibdi. Navbatdagi ikki tur g‘alabasi “Bunyodkor”ni nimchorak finalga olib chiqishi mumkin.
Guruhdagi ikkinchi o‘yinda Qatarning “Lahviya” klubi Saudiyaning “An-Nasr” jamoasini 4:0 hisobida mag‘lubiyatga uchratdi. Qayd etish kerak, “Bunyodkor” navbatdagi ikki turni aynan Qatar klubiga qarshi o‘tkazadi.
Osiyo Chempionlar Ligasi—2016 “B” guruhi, 4-tur uchrashuvi 5-aprel, seshanba
“Zob Ohan” (Eron) — “Bunyodkor” (O‘zbekiston) 5:2 (2:0)
Gollar: Doniyol Ismoilafar, 2 (1:0). Vohid Muhammadzoda, 34 (2:0). Mehdi Rajabzoda, 50 (3:0). Kaveh Rizoiy, 70 (4:0). Shaker Zuagi, 78 (4:1). Murtazo Tabriziy, 87 (5:1). Shahzod Nurmatov, 89 (5:2).Ogohlantirish: Mahdi Muhammadiy, 47 (Z). Shaker Zuagi, 68 (B). Doston Hamdamov, 73 (B).“Zob Ohan”: Muhammadrashid Mozohiriy, Volid Ismoil, Hodi Muhammadiy, Qosim Hadadifar (Muhammad Rizo Abbosiy, 79), Kaveh Rizoiy, Ehson Pahlavon, Mahdipur Mahdiy, Ali Hamam, Doniyol Ismoilafar (Murtazo Tabriziy, 67), Mahdi Rajabzoda (Ahmad Amir Kandar, 74), Vohid Muhammadzoda.
“Bunyodkor”: Murod Zuhurov, Akmal Shorahmedov, Akrom Komilov, Sato Minori, Eldor Shomurodov (Zabihillo O‘rinboyev, 75), Bahodir Nasimov, Doston Hamdamov, Rustam Ashurmatov, Otabek Shukurov, Yuritsa Bulyat (Shahzod Nurmatov, 46), Aleksandr Alempiyevich (Shaker Zuagi, 36).
4-turdan so‘ng “B” guruhidagi vaziyat
| O‘ | Jamoa | O‘ | G‘ | D | M | T/N | O |
| 1 | “Zob Ohan” | 4 | 2 | 2 | 0 | 6:2 | 8 |
| 2 | “Lahviya” | 4 | 1 | 2 | 1 | 5:2 | 5 |
| 3 | “An-Nasr” | 4 | 1 | 2 | 1 | 5:8 | 5 |
| 4 | “Bunyodkor” | 4 | 0 | 2 | 2 | 6:9 | 2 |
Izoh (0)