Футбол бўйича Осиё Чемпионлар Лигасининг «Б» гуруҳида иштирок этаётган Тошкентнинг «Бунёдкор» клуби Эронда «Зоб Оҳан» клубига мағлуб бўлди. Натижада Сергей Лушчан жамоаси 4-турдан 2 очко билан гуруҳнинг сўнгги ўриндаги жамоасига айланди.
«Бунёдкор» Чемпионлар Лигасининг 2015 йилги мавсуми гуруҳ босқичида 6 та ўйин ўтказиб, шуларнинг 5 тасида мағлуб бўлган ва 1 тасида дуранг ўйнаганди. 2016 йил ҳисобидан эса ҳозирча 2 та дуранг ва 2 та мағлубият.
Мағлубиятга қарамай, «Бунёдкор» гуруҳ босқичини муваффақиятли якунлаш имкониятини назарий жиҳатдан сақлаб турибди. Навбатдаги икки тур ғалабаси «Бунёдкор»ни нимчорак финалга олиб чиқиши мумкин.
Гуруҳдаги иккинчи ўйинда Қатарнинг «Лаҳвия» клуби Саудиянинг «Ан-Наср» жамоасини 4:0 ҳисобида мағлубиятга учратди. Қайд этиш керак, «Бунёдкор» навбатдаги икки турни айнан Қатар клубига қарши ўтказади.
Осиё Чемпионлар Лигаси—2016 «Б» гуруҳи, 4-тур учрашуви 5 апрель, сешанба
«Зоб Оҳан» (Эрон) — «Бунёдкор» (Ўзбекистон) 5:2 (2:0)
Голлар: Дониёл Исмоилафар, 2 (1:0). Воҳид Муҳаммадзода, 34 (2:0). Меҳди Ражабзода, 50 (3:0). Кавеҳ Ризоий, 70 (4:0). Шакер Зуаги, 78 (4:1). Муртазо Табризий, 87 (5:1). Шаҳзод Нурматов, 89 (5:2).Огоҳлантириш: Маҳди Муҳаммадий, 47 (З). Шакер Зуаги, 68 (Б). Достон Ҳамдамов, 73 (Б).«Зоб Оҳан»: Муҳаммадрашид Мозоҳирий, Волид Исмоил, Ҳоди Муҳаммадий, Қосим Ҳададифар (Муҳаммад Ризо Аббосий, 79), Кавеҳ Ризоий, Эҳсон Паҳлавон, Маҳдипур Маҳдий, Али Ҳамам, Дониёл Исмоилафар (Муртазо Табризий, 67), Маҳди Ражабзода (Аҳмад Амир Кандар, 74), Воҳид Муҳаммадзода.
«Бунёдкор»: Мурод Зуҳуров, Акмал Шораҳмедов, Акром Комилов, Сато Минори, Элдор Шомуродов (Забиҳилло Ўринбоев, 75), Баҳодир Насимов, Достон Ҳамдамов, Рустам Ашурматов, Отабек Шукуров, Юрица Булят (Шаҳзод Нурматов, 46), Александр Алемпиевич (Шакер Зуаги, 36).
4-турдан сўнг «Б» гуруҳидаги вазият
| Ў | Жамоа | Ў | Ғ | Д | М | Т/Н | О |
| 1 | «Зоб Оҳан» | 4 | 2 | 2 | 0 | 6:2 | 8 |
| 2 | «Лаҳвия» | 4 | 1 | 2 | 1 | 5:2 | 5 |
| 3 | «Ан-Наср» | 4 | 1 | 2 | 1 | 5:8 | 5 |
| 4 | «Бунёдкор» | 4 | 0 | 2 | 2 | 6:9 | 2 |
Изоҳ (0)