Сурия қуролли кучлари ўт очишни тўхтатиш режими ва халқаро ҳуқуқ қоидаларини бузган ҳолда, 31 март, пайшанба куни Дамашқ ташқарисида жойлашган Дейр-ал-Асафир шаҳридаги мактаб ва касалхонани бомбардимон қилди. Бу ҳақда АҚШ Давлат департаменти матбуот хизмати бошлиғи Жон Кирби баёнотида айтилади, деб ёзади «ТАСС».
Унинг сўзларига кўра, ҳодиса натижасида, айни пайтдаги маълумотлар бўйича, 20 дан зиёд киши ҳалок бўлган, яна ўнлаб кишилар, жумладан, аёллар ва қутқарув хизматлари ходимлари яраланган.
Жон Кирби таъкидлашича, Вашингтон тинч аҳолига нисбатан уюштирилган бундай ҳужумларни «қатъий тарзда қоралайди». Дипломат АҚШ Дамашқда янги ҳукуматга сиёсий ўтишни таъминлаш мақсадидаги БМТ раҳбарлигидаги музокараларни қўллаб-қувватлашда давом этишини, шунингдек, ўт очишни тўхтатиш режимида қатнашаётган барча томонларни ушбу ярашув сулҳи шартларига риоя қилишга чақиришини айтди.
Изоҳ (0)