Mozambik qirg‘oqlaridan topilgan buyumlar Malaysia Airlines aviakompaniyasining ikki yil avval Hind okeanida yo‘qolgan va bortida 239 kishi bo‘lgan Boeing 777 samolyoti bo‘laklari ekanligi ehtimoli yuqori. Buni Kanberradagi laboratoriyada Avstraliyaga yetkazilgan buyumlar identifikatsiyasi davom etayotganini bildirgan Xalqaro qidiruv markazi vakillari tasdiqladi, deya xabar beradi “TASS”.
“Ekspertlar fikricha, mazkur buyumlar o‘lchami, materiallari va konstruksiyasi Boeing 777 texnik xususiyatlariga to‘g‘ri keladi. Ularning bo‘yalishi esa Malaysia Airlines aviakompaniyasi ishlatadigan bo‘yoq va trafaretlarga mos. Bu esa mazkur buyumlar Kuala-Lumpurdan Pekinga yo‘l olgan MH370 reysi bo‘laklari ekanligidan deyarli dalolat beradi”, — deya ta’kidlangan markaz xabarida.
Markaz xodimlari, shuningdek, hozirgi kunga qadar Hind okeani qidiruv hududidagi jami 120 ming kvadrat kilometr maydonning 95 ming kvadrat kilometri tekshirib bo‘linganini ma’lum qildi.
Izoh (0)