Shimoliy Koreya hukumati fuqarolarni mamlakat iqtisodiyotidagi bo‘lajak murakkab davrlar haqida ogohlantirdi va ocharchilikka tayyorlanishga chaqirdi, deya xabar bermoqda The Telegraph KXDRning “Nodon Sinmun” partiya gazetasiga tayanib.
“Inqilobgacha bo‘lgan yo‘l uzoq va qiyin. Ehtimol, biz yana o‘simliklar ildizlari bilan oziqlanishimizga to‘g‘ri kelar”, — deyiladi nashrda. Ta’kidlanishicha, mamlakat 1994-yilda boshlangan to‘rt yillik ocharchilik paytidagidek murakkab vaziyat bilan to‘qnash kelishi mumkin. O‘shanda oziq-ovqat yetishmovchiligidan 22 million aholining 3,5 millioni nobud bo‘lgan edi.
Britaniya gazetasi qayd etishicha, og‘ir iqtisodiy vaziyat BMT Xavfsizlik Kengashi tomonidan Pxenyanning vodorod bombasi sinovi va uzoq masofaga parvoz qiluvchi raketa uchirishiga javoban qabul qilingan shafqatsiz sanksiyalari oqibatiga aylanadi. Shuningdek, nashr ma’lumotlariga ko‘ra, joriy yilda KXDR boshqa mamlakatlardan 440 ming tonna oziq-ovqat ko‘magini so‘ragan, biroq fevral holatiga ko‘ra, uning 17,6 ming tonnasi yetkazilgan.
Izoh (0)