Мозамбик қирғоқларидан топилган буюмлар Malaysia Airlines авиакомпаниясининг икки йил аввал Ҳинд океанида йўқолган ва бортида 239 киши бўлган Boeing 777 самолёти бўлаклари эканлиги эҳтимоли юқори. Буни Канберрадаги лабораторияда Австралияга етказилган буюмлар идентификацияси давом этаётганини билдирган Халқаро қидирув маркази вакиллари тасдиқлади, дея хабар беради «ТАСС».
«Экспертлар фикрича, мазкур буюмлар ўлчами, материаллари ва конструкцияси Boeing 777 техник хусусиятларига тўғри келади. Уларнинг бўялиши эса Malaysia Airlines авиакомпанияси ишлатадиган бўёқ ва трафаретларга мос. Бу эса мазкур буюмлар Куала-Лумпурдан Пекинга йўл олган MH370 рейси бўлаклари эканлигидан деярли далолат беради», — дея таъкидланган марказ хабарида.
Марказ ходимлари, шунингдек, ҳозирги кунга қадар Ҳинд океани қидирув ҳудудидаги жами 120 минг квадрат километр майдоннинг 95 минг квадрат километри текшириб бўлинганини маълум қилди.
Изоҳ (0)