Amerikalik mutaxassislar Rostov-Don aeroportidagi samolyot halokatini tekshirishda zarur yordamni ko‘rsatishga tayyor. Bu haqda AQSh davlat kotibi Jon Kerri ma’lum qildi, deb yozadi “TASS”.
Kerri Putin bilan uchrashuvda AQSh prezidenti va xalqi nomidan Rostov-Donda samolyot qulashi yuzasidan ta’ziya bildirdi.
Eslatib o‘tamiz, 24-mart kuni kechqurun Kremlda Rossiya prezidenti Vladimir Putinning AQSh Davlat kotibi Jon Kerri bilan uchrashuvi boshlandi.
Avvalroq Dmitriy Peskov Rossiya Federatsiyasi prezidenti Vladimir Putin va AQSh davlat kotibi Jon Kerrining uchrashishini tasdiqlagan, uchrashuvning kun tartibida birinchi navbatda Suriya va Ukraina mavzulari turishini ta’kidlab o‘tgan edi.
Keyinroq Kerri Moskvada yosh olimlar va fuqarolik jamiyati vakillari bilan uchrashgan edi.
Eslatib o‘tamiz, 19-mart, shanba kuni FlyDubai aviakompaniyasiga tegishli Boeing 737-800 layneri Rossiyaning Rostov-Don shahri aeroportiga qo‘nish vaqtida halokatga uchradi. Hodisa oqibatida samolyot bortida bo‘lgan barcha yo‘lovchilar va ekipaj a’zolari halok bo‘lgan.
Izoh (0)