Америкалик мутахассислар Ростов-Дон аэропортидаги самолёт ҳалокатини текширишда зарур ёрдамни кўрсатишга тайёр. Бу ҳақда АҚШ давлат котиби Жон Керри маълум қилди, деб ёзади «ТАСС».
Керри Путин билан учрашувда АҚШ президенти ва халқи номидан Ростов-Донда самолёт қулаши юзасидан таъзия билдирди.
Эслатиб ўтамиз, 24 март куни кечқурун Кремлда Россия президенти Владимир Путиннинг АҚШ Давлат котиби Жон Керри билан учрашуви бошланди.
Аввалроқ Дмитрий Песков Россия Федерацияси президенти Владимир Путин ва АҚШ давлат котиби Жон Керрининг учрашишини тасдиқлаган, учрашувнинг кун тартибида биринчи навбатда Сурия ва Украина мавзулари туришини таъкидлаб ўтган эди.
Кейинроқ Керри Москвада ёш олимлар ва фуқаролик жамияти вакиллари билан учрашган эди.
Эслатиб ўтамиз, 19 март, шанба куни FlyDubai авиакомпаниясига тегишли Boeing 737-800 лайнери Россиянинг Ростов-Дон шаҳри аэропортига қўниш вақтида ҳалокатга учради. Ҳодиса оқибатида самолёт бортида бўлган барча йўловчилар ва экипаж аъзолари ҳалок бўлган.
Изоҳ (0)