Rim papasi Fransisk Buyuk (pok) payshanba munosabati bilan “Sirli kecha xotiralari” kechki ibodatini amalga oshirdi, deb yozadi “TASS”. Marosim Italiya poytaxti tashqarisidagi Kastelnuovo-di-Porto shaharchasida joylashgan Qochoqlarni qabul qilish markazida bo‘lib o‘tdi.
Pontifik o‘z maqomining tan olinishini kutayotgan 11 nafar qochoq (erkaklar va ayollar, musulmonlar, hinduiylar, kopt nasroniylari va katoliklar) va Markazning ko‘ngilli xodimalaridan birining oyog‘ini yuvib qo‘ydi.
Papa kengashini boshqaradigan arxiyepiskop Rino Fizikella aniqlik kiritishicha, “Rim bosh ruhoniysining ushbu qarori boshqa ko‘pchilik yaqinlashishni ham istamaydiganlar oldida tiz cho‘kib, ularning oyoqlarini yuvib qo‘yish istagi bilan izohlanadi, madaniy va demokratik Yevropa esa bu paytda ushbu muammodan o‘zini panalab olgan”. Uning so‘zlariga ko‘ra, “qochoqlarning oyoqlarini yuvish uchun bosh egar ekan, papa hozirgi tarixiy onlarda eng zaiflarga e’tibor ayniqsa muhimligini, biz ularga qadr-qimmatini qaytarib berishga mas’ul ekanligimizni aytmoqchi”.
Izoh (0)