Bryusseldagi portlashlar, Chagayevni mag‘lub etgan bokschidan topilgan doping, kichik ekranli yangi iPhone va kunning boshqa muhim yangiliklari

22-martning e’tiborga molik yangiliklari — “Daryo”ning kechki dayjestida.

1. Bryusseldagi portlashlar: aeroportda ikki portlash, metroda kamida bitta portlash; qurbonlar soni aniq emas; ro‘y bergan hodisalar — terakt, javobgarlikni IShID o‘z zimmasiga oldi.

2. Foto: O‘zbekistonlik ustalar Hirotda Kamoliddin Behzod maqbarasini tiklash ishlarini olib bormoqda. Bobur xalqaro jamoat fondi o‘tgan yili Navoiy maqbarasini obod qilgan edi.

3. Ruslan Chagayevning raqibi Lukas Braunda doping aniqlandi. “Bugun nima bo‘lganini tushunmadim, lekin endi huquqshunos izlashim kerak” , — dedi Braun.

4. Apple kichik ekranli iPhone SE’ni taqdim etdi. Bu Apple’ning iPhone 5S chiqqanidan buyon birinchi 4 dyuymli smartfonidir.

5. Sport sharhlovchisi Davron Fayziyev UzReport telekanalida ish boshladi. Tez orada Yevropa Chempionlar Ligasi va Angliya Premyer-ligasi uchrashuvlarini yana o‘zbek tilida ko‘rish mumkin bo‘ladi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.