Rossiya Favqulodda vaziyatlar vazirligi rasmiy sayti Rostov-Donda halokatga uchragan Boeing 737-800 samolyotining barcha yo‘lovchi va ekipaj a’zolari ro‘yxatini chop qildi. Bu haqda “TASS” xabar bermoqda.
Samolyot halokatga uchragan vaqtda uning bortida 61 kishi bo‘lganligi haqida ma’lumotlar berilgandi. Ammo Favqulodda vaziyatlar vazirligi bergan ma’lumotga ko‘ra, layner bortida 62 kishi bo‘lgan — yetti nafar ekipaj a’zosi va 55 yo‘lovchi.
Eslatib o‘tamiz, 19-mart, shanba kuni FlyDubai aviakompaniyasiga tegishli Boeing 737-800 layneri Rossiyaning Rostov-Don shahri aeroportiga qo‘nish vaqtida halokatga uchradi. Hodisa oqibatida samolyot bortida bo‘lgan barcha yo‘lovchilar va ekipaj a’zolari halok bo‘lgan. Samolyot bortidagi yo‘lovchilardan biri o‘zbekistonlik bo‘lgan.
Izoh (0)