Футбол бўйича Германия Бундеслигаси 27-турида «Бавария» «Кёльн» устидан ғалаба қозонди. Тур учрашувлари «Шальке» ва «Боруссия Мюнхенгладбах» учрашуви билан бошлангани ҳақида аввалроқ хабар берилган эди.
«Кёльн» меҳмони бўлган «Бавария» ҳужумчи Роберт Левандовскининг 10-дақиқада киритган ягона голи эвазига зафар қучди. Бу польшалик ҳужумчининг Бундеслига доирасидаги 26-ўйиндаги йигирма бешинчи голи бўлди.
Левандовски Бундеслига тўпурарлари пойгасидаги энг яқин таъқибчиси — «Боруссия Дортмунд» ҳужумчиси Пер-Эмерик Обамеянгни 3 та голга ортда қолдирмоқда.
Бундеслиганинг кучли учлигида бораётган Берлиннинг «Герта» клуби мавсумдаги ўн тўртинчи ғалабасини қўлга киритди — лига дебютанти «Ингольштадт» 2:1 ҳисобида мағлуб этилди.
Европа Чемпионлар Лигасидаги иштирокини давом эттираётган «Вольфсбург» 27-тур натижасига кўра 7-ўринга кўтарилиб олиши мумкин эди. Бироқ Дитер Хеккинг жамоаси ўз майдонида «Дармштадт»ни мағлуб эта олмади.
Андре Шюррленинг мавсумдаги бешинчи голи «Вольфсбург»ни мағлубиятдан қутқариб қолди. Шунингдек «Майнц» клуби ҳам 2 очко бой бериб, Чемпионлар Лигасига йўлланма берувчи 4-ўринга кўтарилиш имкониятини ҳозирча йўққа чиқарди.
Германия Бундеслигаси 27-тур учрашуви 18 март, жума
«Шальке» — «Боруссия Мюнхенгладбах» 2:1 Голлар: Хинтереггер, 59, автогол (1:0). Кристенсен, 79 (1:1). Горецка, 83 (2:1).
19 март, шанба «Кёльн» — «Бавария» 0:1 Гол: Роберт Левандовски, 10 (0:1).
«Бавария»: Мануэль Нойер, Рафинья, Давид Алаба, Хуан Бернат, Хаби Алонсо (Артуро Видал, 54), Жошуа Киммих, Себастьян Роде (Филипп Лам, 78), Тьяго Алкантара, Дуглас Коста (Франк Рибери, 72), Кингсли Коман, Роберт Левандовски.
«Гамбург» — «Хоффенхайм» 1:3 Голлар: Андрей Крамарич, 20-пен (0:1). Кевин Фолланд, 23 (0:2). Аарон Хант, 30-пен (1:2). Эдуардо Варгас, 67 (1:3).
«Герта» — «Ингольштадт» 2:1 Голлар: Генки Харагуси, 54 (1:0). Саломон Калу, 69 (2:0). Лукас Хинтерзер, 75 (2:1).
«Вольфсбург» — «Дармштадт» 1:1 Голлар: Сандро Вагнер, 82 (0:1). Андре Шюррле, 90+3 (1:1).
«Вердер» — «Майнц» 1:1 Голлар: Юлиан Баумгартлингер, 38 (0:1). Клаудио Писарро 45+3-пен (1:1).
Турган қолган учрашувлари
19 март, шанба«Айнтрахт» — «Ганновер»20 март, якшанба«Штутгарт» — «Байер»«Аугсбург» — «Боруссия Дортмунд»
Изоҳ (0)