Toshkentda metropolitenning yangi bekatlari qurilishi davom etadi, deya xabar bermoqda “Gazeta.uz” Toshkent me’morchilik va qurilish bosh boshqarmasi boshlig‘i vazifasini bajaruvchi Rustam Rahmatullayevning “Narodnoye slovo” gazetasiga bergan intervyusiga tayanib.
Uning aytishicha, metro yo‘llari uzunligi 6,5 kilometrga oshadi.
Shu bilan birga, u qurilishning aniq muddatlarini ma’lum qilmadi.
Eslatib o‘tamiz, avvalroq O‘zbekiston poytaxtidagi yo‘llarning umumiy uzunligi, Toshkent halqa avtomobil yo‘lini hisobga olmaganda, kelajakda hozirgi 630 kilometrdan 879 kilometrgacha yoki qariyb 40 foizga oshirilishi, shuningdek, “Olmazor” metro bekati (sobiq “Sobir Rahimov”)dan Sergeli dahasigacha tezyurar tramvay yo‘li qurilishi amalga oshirilishi haqida xabar berilgan edi.
Izoh (0)