Toshkentdagi Home Market do‘konlar tarmog‘i qoyilmaqom aksiyalar mavsumini ochiq deb e’lon qiladi. “Bahorgi uyg‘onish” deb nomlangan dastlabki aksiya 18-martdan 18-aprelga qadar davom etadi. Buni hatto aksiya deyishga ham til bormaydi — turgan-bitgani yutuqli lotereya!
Aksiyada ishtirok etish uchun “Samarqand darvoza”, “Kontinent” yoki “Sunday—Sergeli”dagi Home Market gipermarketlarining birida kamida 100 ming so‘mlik xaridni amalga oshirishingiz zarur. Shundan so‘ng, gipermarketdagi axborot stoliga borib, omadli xaridorlarga foizli kuponlarni tarqatuvchi maxsus barabandan o‘z chiptangizni tortib olasiz. Qiymati 5 foizdan 50 foizgacha farqlanuvchi bunday chiptalar soni cheklangan.
Tasavvur qilaylik, Sergelidagi Home Market’dan 2 million so‘mga ikkita idish-tovoq jamlanmasi, juda xushmanzara besh tuvak gul va bir dunyo kanselyariya mollarini sotib oldingiz. So‘ng, ajoyib aksiya ishtirokchisi sifatida, barabandan oz emas, ko‘p emas, naq 50 foizli kuponni tortib chiqardingiz. Omadingizga havasi kelgan gipermarket xodimlari shu yerning o‘zida Sizga 1 million so‘mlik vaucher yozib beradi.
Siz bu vaucher yordamida umumiy qiymati 1 million so‘mlik mahsulotni bepul qo‘lga kiritish imkoniga ega bo‘lasiz. Bundan tashqari, shu vaucher yordamida qimmatroq mahsulotning 1 million so‘mlik qismi uchun hisob-kitob qilishingiz ham mumkin.
Aksiya o‘tkazilayotganida jamg‘aruvchi kartalar va chegirmalar amal qilmaydi; aksiya vaqtida xarid qilingan mahsulot xaridor tomonidan qaytarilsa, vaucher bekor qilinadi; yo‘qotilgan vaucher qayta tiklanmaydi; vaucherdan faqat bir marta, 2016-yilning 1-sentabriga qadar foydalanish mumkin.
Home Market’dan nafaqat idish-tovoq jamlanmasi, xushmanzara gullar va kanselyariya mollarini, balki xorijiy va mahalliy o‘nlab yetakchi ishlab chiqaruvchilarning yuqori sifatli mebel, to‘qimachilik mahsulotlari, santexnika uskunalari, xo‘jalik mollari, esdalik sovg‘alari va boshqa ko‘plab mahsulotlarni sotib olish mumkin — tanlov borasida muammo yo‘q.
Shunday ekan, shoshiling — bejirim va sifatli mahsulotlarni xaridingizning 5 foizdan 50 foizgacha bo‘lgan bahosida bepul qo‘lga kiritib, o‘z xonadoningizni yanada shinam va fayzli qilish imkoniyatini boy bermang!
Reklama huquqi asosida
Izoh (0)