Ўзбекистон Соғлиқни сақлаш вазирлиги БМТ Аҳолишунослик жамғармасидан чақалоқларни ташиш учун иккита тез ёрдам машинасига эга бўлди, дея хабар бермоқда «Газета.uz». Машиналарни топшириш маросими 15 март, сешанба куни бўлиб ўтди.
Ҳар битта автомобиль янги туғилган чақалоқлар учун инкубатор аппарати ҳамда она ва болани тиббий муассасага юқори малакали ёрдам кўрсатиш учун олиб кетиш вақтида зарур бўладиган барча керакли ускуналар билан жиҳозланган.
Республика перинатал маркази учун автомобилларнинг сотиб олиниши Соғлиқни сақлаш вазирлиги ва БМТ Аҳолишунослик жамғармаси ҳамкорлигининг учинчи дастури доирасида амалга оширилди, у Ўзбекистонга она ва бола саломатлигини муҳофаза қилиш бўйича сифатли хизматларни кенг кўламда кўрсатишга қаратилган миллий режаларни амалга оширишда ёрдам бермоқда.
Изоҳ (0)