Америкаликлар орасида коинотда бўлиши бўйича рекордчи ҳисобланадиган астронавт Скотт Келли истеъфога чиқишини маълум қилди. Бу ҳақда Meduza хабар бермоқда.
Астронавт 1 апрелдан эътиборан NASA’даги фаолиятини якунласа-да, узоқ вақт мобайнида коинотда бўлишнинг инсон организмига таъсирини ўрганишга қаратилган тиббий тадқиқотлардаги иштирокини давом эттиради.
Скотт Келли бошчилигидаги Халқаро коинот станцияси (ХКС) экипажининг салкам бир йиллик экспедицияси 2016 йил 2 март куни якунига етганди. У россиялик космонавт Михаил Корниенко билан орбитада 340 кун бўлди. Бу бир марталик сафар учун америкалик астронавтлар орасида рекорд саналади. Келли ХКСдаги тўртта экспедицияси давомида коинотда жами 520 кун бўлди ва бу муддат ҳам америкаликлар учун рекорд ҳисобланади.
Изоҳ (0)