Osiyo Chempionlar Ligasi 2-turi doirasidagi Qarshining “Nasaf” hamda Saudiya Arabistonining “Al-Ahli” jamoalari o‘rtasidagi bellashuv yakunlandi, deb xabar qiladi “Championat.asia”.
O‘yinning 47-daqiqasida Shuhrat Muhammadiyev o‘ng qanotdan jarima maydonchasiga yorib kirdi va to‘pni ohista Abduxoliqovga tashlab berdi, Bobur esa bo‘sh darvozani nishonga oldi — 1:0.
59-daqiqada Shuhrat Muhammadiyev yana o‘ng qanotdan hujumga o‘tdi, u to‘pni oshirib o‘tirmasdan darvozaga zarba berdi, posbon bir amallab to‘pni qaytardi, qaytib chiqqan to‘pni Maqsud Karimov darvozaga yo‘lladi — 2:0.
69-daqiqada hakam “Nasaf” darvozasi tomon penalti belgiladi. Uni Muhannad Asiri aniq bajarib, hisobni qisqartirdi — 2:1. O‘yin mana shu hisob bilan o‘z yakuniga yetdi va “Nasaf” 2016-yilgi Osiyo Chempionlar Ligasida o‘zining ilk g‘alabasini qo‘lga kiritdi.
OChL, “D” guruhi. 2-tur.
2-mart, chorshanba
“Nasaf” (O‘zbekiston) – “Al-Ahli” (Saudiya Arabistoni) — 2:1 (0:0)
Gollar: Bobur Abduxoliqov (47), Maqsud Karimov (59) — Muhannad Asiri (69-pen.).“Nasaf”: 25.Eldorbek Suyunov, 4.Maqsud Karimov, 6.Aziz G‘aniyev, 7.Shuhrat Muhammadiyev, 9.Ilhom Shomurodov, 10.Dilshod Rahmatullayev, 17.Artur Gevorkyan, 18.Bahrom Abdurahimov, 23.Sherzod A’zamov, 31.Saydullo Rahmatov, 45.Bobur Abduxoliqov (14.Sharof Muhiddinov 90).
“Al-Ahli”: 22. Abdulloh Mayouf, 5. Fahad Hamad, 6. Muhammad Fatil, 11. Husayn Mugavi (4. Volid Bahshin 63) 14.Muhannad Asiri, 15. Solih Amri, 20. Islom Seraj (47.Mustaa Albassas 63) 26. Muhammad Aman, 70.Markino, 77. Amiri Kurdi, 99. Komil Musa.
Ogohlantirishlar: Sherzod A’zamov (40), Dilshod Rahmatullayev (49) — Muhammad Aman (20), Fahad Hamad (29), Husayn Mugavi (49), Volid Bahshin (73).
Izoh (0)