Осиё Чемпионлар Лигаси 2-тури доирасидаги Қаршининг «Насаф» ҳамда Саудия Арабистонининг «Ал-Аҳли» жамоалари ўртасидаги беллашув якунланди, деб хабар қилади «Championat.asia».
Ўйиннинг 47-дақиқасида Шуҳрат Муҳаммадиев ўнг қанотдан жарима майдончасига ёриб кирди ва тўпни оҳиста Абдухолиқовга ташлаб берди, Бобур эса бўш дарвозани нишонга олди — 1:0.
59-дақиқада Шуҳрат Муҳаммадиев яна ўнг қанотдан ҳужумга ўтди, у тўпни ошириб ўтирмасдан дарвозага зарба берди, посбон бир амаллаб тўпни қайтарди, қайтиб чиққан тўпни Мақсуд Каримов дарвозага йўллади — 2:0.
69-дақиқада ҳакам «Насаф» дарвозаси томон пенальти белгилади. Уни Муҳаннад Асири аниқ бажариб, ҳисобни қисқартирди — 2:1. Ўйин мана шу ҳисоб билан ўз якунига етди ва «Насаф» 2016 йилги Осиё Чемпионлар Лигасида ўзининг илк ғалабасини қўлга киритди.
ОЧЛ, «D» гуруҳи. 2-тур.
2 март, чоршанба
«Насаф» (Ўзбекистон) – «Ал-Аҳли» (Саудия Арабистони) 2:1 (0:0)
Голлар: Бобур Абдухолиқов (47), Мақсуд Каримов (59) — Муҳаннад Асири (69-пен.).«Насаф»: 25.Элдорбек Суюнов, 4.Мақсуд Каримов, 6.Азиз Ғаниев, 7.Шуҳрат Муҳаммадиев, 9.Илҳом Шомуродов, 10.Дилшод Раҳматуллаев, 17.Артур Геворкян, 18.Баҳром Абдураҳимов, 23.Шерзод Аъзамов, 31.Сайдулло Раҳматов, 45.Бобур Абдухолиқов (14.Шароф Муҳиддинов 90).
«Ал-Аҳли»: 22. Абдуллоҳ Майоуф, 5. Фаҳад Ҳамад, 6. Муҳаммад Фатил, 11. Ҳусайн Мугави (4. Волид Баҳшин 63) 14.Муҳаннад Асири, 15. Солиҳ Амри, 20. Ислом Сераж (47.Мустаа Албассас 63) 26. Муҳаммад Аман, 70.Маркино, 77. Амири Курди, 99. Комил Муса.
Огоҳлантиришлар: Шерзод Аъзамов (40), Дилшод Раҳматуллаев (49) — Муҳаммад Аман (20), Фаҳад Ҳамад (29), Ҳусайн Мугави (49), Волид Баҳшин (73).
Изоҳ (0)