O‘zbekistonda 1-mart, seshanba kuni havo o‘zgarib turadi, yog‘ingarchilik kutilmaydi. Bu haqda “O‘zgidromet” markazi xabar bermoqda.
1-martga o‘tar kechasi O‘zbekistonning tog‘li hududlarida havo harorati +7 darajagacha, Qoraqalpog‘iston Respublikasi, Xorazm, Andijon, Namangan va Farg‘ona viloyatlarida +8 darajagacha, Toshkent, Samarqand, Jizzax va Sirdaryo viloyatlari hamda Toshkent shahrida +10 darajagacha, Buxoro va Navoiy viloyatlarida +12 darajagacha, Qashqadaryo va Surxondaryo viloyatlarida +13 darajagacha iliq bo‘ladi.
1-mart kuni kunduzi Qoraqalpog‘iston Respublikasi va Xorazm viloyatida +8...+13 daraja, O‘zbekistonning tog‘li hududlarida +10...+15 daraja, Qashqadaryo va Surxondaryo viloyatlarida esa +17...+22 iliq bo‘lishi kutilmoqda.
Seshanba kuni kunduzi Buxoro, Navoiy, Toshkent, Samarqand, Jizzax, Sirdaryo, Andijon, Namangan va Farg‘ona viloyatlari hamda Toshkent shahrida havo harorati +20 darajagacha ko‘tarilishi mumkin.
Ma’lumot uchun, 28-fevral, yakshanba kuni havo harorati Nukus shahrida +13,1 darajagacha (rekord: 2005-yil — +17,4 daraja), Termiz shahrida +25,1 darajagacha (rekord: 1986-yil — +25,5 daraja), Samarqand shahrida +22,1 darajagacha (rekord: 1986-yil — +22,5 daraja), Toshkent shahrida +19,7 darajagacha (rekord: 1986-yil — +23,4 daraja) ko‘tarildi.
Bundan tashqari, 28-fevral kuni havo harorati Urganchda +16, Jizzaxda +17, Gulistonda +18, Buxoro, Andijon, Namangan va Farg‘onada +21, Navoiyda +23, Qarshida +24 daraja iliqni tashkil etdi.
Izoh (0)