Viloyatlar va Toshkent shahar hokimliklari, O‘zbekiston Respublikasi Iqtisodiyot vazirligi hamda Moliya vazirligining viloyatlar va Toshkent shahar hokimliklarining boshqaruv apparati tuzilmasida, tegishli ravishda viloyatlar va Toshkent shahrining iqtisodiyot bosh boshqarmalarini tugatib, hududni kompleks rivojlantirish yig‘ma boshqarmalari tashkil qilindi, deya xabar bermoqda “Gazeta.uz” Prezident qarori (pdf)ga tayanib. Xuddi shunday o‘zgarishlar tuman va shahar hokimliklarining boshqaruv apparati tuzilmasida ham sodir bo‘ladi.
Hujjatda ta’kidlanishicha, bundan ko‘zlangan maqsad hududlarni kompleks va mutanosib tarzda rivojlantirishni ta’minlash, mintaqalarning mavjud tabiiy-xomashyo, ishlab chiqarish va mehnat salohiyatidan oqilona foydalanish, ishlab chiqarish kuchlarini optimal joylashtirish hamda aholining turmush darajasi va sifatini izchil oshirib borish, shuningdek, mahalliy ijroiya hokimiyat organlari faoliyatini tashkil etishni yanada takomillashtirish va uning samaradorligini oshirish bo‘yicha tizimli dasturiy chora-tadbirlarni amalga oshirishdan iborat.
Hujjatga muvofiq, bosh vazir birinchi o‘rinbosari Rustam Azimov rahbarligidagi viloyatlar va Toshkent shahar hokimliklarining hududlarni kompleks rivojlantirish yig‘ma boshqarmalarini kadrlar bilan to‘ldirish va suhbat o‘tkazish komissiyasi tuziladi, u ikki oy muddatda suhbat o‘tkazib, yig‘ma boshqarmalarni malakali kadrlar bilan to‘ldiradi.
Izoh (0)