Tramp Obamani tashqi va ichki siyosatdagi muvaffaqiyatsizliklar uchun tanqid qildi
O‘z nomzodini AQSh prezidenti lavozimi uchun ilgari surishga da’vogarlik qilayotgan milliarder Donald Tramp Oq uyning hozirgi xo‘jayinini tashqi va ichki siyosati uchun tanqid qildi, deb yozadi “TASS”.
Respublikachilar partiyasidan da’vogar bo‘lmish Trampning gaplari Barak Obamaning Tramp prezidentlikka saylanmasligi haqida ishonch bildirganidan so‘ng yangradi.
Milliarder so‘zlariga ko‘ra, Obama u yoki bu nomzod prezidentlik majburiyatlarini eplay olish-olmasligi yuzasidan hukm chiqara olmaydi, chunki uning o‘zi “o‘z ishini yaxshi bajarmayapti”.
“Bizning byudjetimizga, xarajatlarimizga qarang. Biz IShIDni yenga olmayapmiz. Obama tashabbuskorlik qilgan sog‘liqni saqlash islohoti umuman bo‘lmaydi. Chegaralarimiz Shveysariya pishlog‘iga o‘xshaydi. Biz bunga nuqta qo‘yamiz”, — dedi Tramp.
