Turkiya bosh vaziri Ahmet Davuto‘g‘li Germaniya Federativ Respublikasi kansleri Angela Merkel bilan telefon suhbati chog‘ida Turkiya Suriyadagi kurdlar tomonidan bo‘ladigan hujumlarga javob qaytarishda davom etishini aytdi. Bu haqda bosh vazir idorasidagi manbasiga tayanib, Reuters xabar bermoqda, deb yozadi “TASS”.
“Turkiya xavfsizlik kuchlari Suriya shimolidagi kurdlarning O‘z-o‘zini mudofaa qilish xalq kuchlari tomonidan bo‘ladigan hujumlarga javob qaytarishda davom etadi”, — dedi Davuto‘g‘li.
Avvalroq kurdlarning “Demokratik ittifoq” partiyasi yetakchilaridan biri Solih Muslim uning tarafdorlari “Turkiyaning Suriya shimoliga qaratilgan har qanday hujumiga qarshi turishini” aytgan edi.
Turkiya artilleriyasi bir necha kundan buyon Suriya shimolidagi chegara tumanlarida O‘z-o‘zini mudofaa qilish xalq kuchlari nuqtalarini o‘qqa tutmoqda. Zarbalar natijasida bir necha kurd jangchilari halok bo‘ldi, yana o‘nlab kishi yaralandi.
Izoh (0)