Rossiya bosh vaziri Dmitriy Medvedev Euronews kanaliga bergan intervyusida Rossiyaga qarshi sanksiyalar kerakli natijani bermayotgani, shu sababli G‘arb mamlakatlari mardlik ko‘rsatib, ular bekor qilinadigan aniq sanani aytishi kerakligini ma’lum qildi, deb xabar beradi “RBK”.
“Buni biz o‘ylab topganimiz yo‘q, biz ularni bekor qilishni boshlamaymiz. Bizni ko‘p marta sanksiyalar bilan qo‘rqitishdi, bu sanksiyalarni sovet davrida ham ko‘p marta kiritishgan. Bu hech qachon hech nimaga olib kelmagan, faqat pul yo‘qotishgan. Hozir ham xuddi shunday. Ular mardlik ko‘rsatib, shunday deyishi kerak: ‘Bilasizmi, yigitlar, biz barchasini mana bu sanadan boshlab yakunlaymiz, sizlardan ham javob choralarini to‘xtatishingizni so‘raymiz’. Mana bu to‘g‘ri yo‘l bo‘ladi”, — dedi Rossiya bosh vaziri.
Medvedev sanksiyalar qabul qilinguncha Rossiya va Yevroittifoq o‘rtasidagi savdo aylanmasi 450 milliard yevroni tashkil qilganini aytdi.
“450 milliard yevro! Hozir esa 217. Yevroittifoqda Rossiya uchun turli mahsulotlar ishlab chiqargan kishilardan bularning bari ularga yoqayotgan yoki yoqmayotganini so‘rash kerak”, — dedi Dmitriy Medvedev.
Izoh (0)