Turkiya chegarasi orqali Suriya hududiga pulemyotlar bilan jihozlangan 12 ta pikap kirib kelgan. Ularda 100 ga yaqin qurollangan jangchilar bo‘lgan. Bu haqda Suriya Tashqi ishlar vazirligiga tayanib, SANA agentligi ma’lum qildi, deb xabar beradi “RBK”.
Xabarda kolonnaning yo‘nalishi bo‘yicha batafsil ma’lumot berilmagan. Unda faqat jangchilar orasida Turkiya armiyasi harbiylari va yollanma askarlari borligi taxmin qilingan.
14-fevral, yakshanba kuni Turkiya artilleriyasi Suriya shimoliga zarba berdi. Turkiya hududidan berilgan artilleriya hujumlari natijasida kurdlarning “O‘z-o‘zini himoya qilish xalq otryadi” tashkilotining ikki nafar faoli halok bo‘ldi.
Suriya tashqi siyosat idorasi Turkiya tomonidan Suriya hududi o‘qqa tutilganini qoralab chiqdi.
Izoh (0)