Vladimir Putin va Barak Obama o‘rtasida telefon orqali muloqot bo‘lib o‘tdi. Asosan Suriya hamda Ukrainadagi vaziyat muhokama etilgan Rossiya va AQSh rahbarlari suhbati Amerika tomoni tashabbusi bilan o‘tkazilgan. Bu haqda “RBK” xabar berdi.
Ukrainadagi holat haqida so‘z yuritar ekan, Vladimir Putin rasmiy Kiyev zimmasiga olgan majburiyatlarini bajarishi, jumladan, Donbass bilan to‘g‘ridan-to‘g‘ri muloqot, amnistiya va konstitutsiyaviy islohot o‘tkazilishi, Donetsk va Luganskning alohida maqomi to‘g‘risidagi qonunga o‘zgartirishlar kiritish tez orada amalga oshirilishiga umid qilayotganligini bildirdi.
Izoh (0)