Tajribaviy loyihalar doirasida Microsoft What Dog servisini ishga tushirdi, u itlar zotini fotosuratga qarab aniqlay oladi, deb yozadi TJournal.
Servisda oldindan tayyorlab qo‘yilgan fotosuratlardagi it zotlarini aniqlashga urinish, Bing qidiruv xizmati orqali kuchuklar rasmlarini qidirish, shuningdek, o‘z suratlarini yuklash mumkin.
Microsoft Research’ning Britaniyadagi tadqiqot bo‘limi rahbari Mitch Goldberg so‘zlariga ko‘ra, kompaniya o‘zining tasvirlarni tanib olish texnologiyasini bu safar itlarda sinab ko‘rishga qaror qilgan.
The Verge mualliflari aytishicha, servis taniqli itlar zotlarinigina yaxshi taniydi, kamyob zotlarni aniqlay olmaydi. Servisning veb-versiyasi Peris Xiltonning pomeran shpitsini, Vladimir Putinning Koni laqabli labrador itini to‘g‘ri aniqladi, biroq TJournal bosh muharriri mushugini esa ma’lum bir it zotiga tegishli deb ko‘rsatdi.
Servis, shuningdek, Fetch nomi ostida iPhone uchun dastur sifatida ham mavjud.
Izoh (0)