Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasi Yagona interaktiv davlat xizmatlari portali (Yagona portal) orqali ko‘rsatilayotgan interaktiv davlat xizmatlari monitoringini o‘tkazdi.
Inspeksiya matbuot xizmatining ma’lum qilishicha, yanvar oyida o‘tkazilgan monitoring 146 ta davlat va xo‘jalik boshqaruvi organlari, mahalliy davlat hokimiyati organlari tomonidan ko‘rsatilayotgan interaktiv davlat xizmatlarini qamrab olgan.
Monitoring natijasida davlat va xo‘jalik boshqaruvi organlarida, mahalliy davlat hokimiyati organlari tomonidan Yagona portal orqali taqdim etilayotgan 740 ta interaktiv davlat xizmatlaridan 29 tasi to‘liq amalga oshirilmayotganligi aniqlandi.
“Aniqlangan kamchiliklarni bartaraf etish bo‘yicha O‘zbekiston Axborot texnologiyalari va kommunikatsiyalarini rivojlantirish vazirligi va tegishli idoralar bilan ishlar amalga oshirilmoqda”, — deyiladi inspeksiya axborotida.
Aynan qaysi interaktiv davlat xizmatlari to‘liq amalga oshirilmayotgani haqida batafsil axborot berilmagan.
Izoh (0)