Тажрибавий лойиҳалар доирасида Microsoft What Dog сервисини ишга туширди, у итлар зотини фотосуратга қараб аниқлай олади, деб ёзади TJournal.
Сервисда олдиндан тайёрлаб қўйилган фотосуратлардаги ит зотларини аниқлашга уриниш, Bing қидирув хизмати орқали кучуклар расмларини қидириш, шунингдек, ўз суратларини юклаш мумкин.
Microsoft Research’нинг Британиядаги тадқиқот бўлими раҳбари Митч Голдберг сўзларига кўра, компания ўзининг тасвирларни таниб олиш технологиясини бу сафар итларда синаб кўришга қарор қилган.
The Verge муаллифлари айтишича, сервис таниқли итлар зотларинигина яхши танийди, камёб зотларни аниқлай олмайди. Сервиснинг веб-версияси Пэрис Хилтоннинг померан шпицини, Владимир Путиннинг Кони лақабли лабрадор итини тўғри аниқлади, бироқ TJournal бош муҳаррири мушугини эса маълум бир ит зотига тегишли деб кўрсатди.
Сервис, шунингдек, Fetch номи остида iPhone учун дастур сифатида ҳам мавжуд.
Изоҳ (0)