2015-yilda O‘zbekistonda eng ko‘p sotilgan kitoblar reytingi e’lon qilindi

“Yangi asr avlodi” nashriyoti marketologlari tomonidan 2015-yilning eng ommabop kitoblari reytingi tuzib chiqildi, deb xabar beradi “Xushnudbek.uz”.

Mazkur reyting “Yangi asr avlodi” nashriyoti tomonidan chop etilgan va respublika kitob do‘konlarida hamda tashkilotlar tomonidan eng ko‘p sotib olingan kitoblar asosida tuzilgan.

Yakuniy natijalarga ko‘ra, 2015-yil davomida kitobxonlar tomonidan eng ko‘p sotib olingan kitob “‘Kamolot’ kutubxonasi” ruknida chop etilgan dunyoga mashhur o‘zbek shoirasi Zulfiyaning “Bahor keldi seni so‘roqlab” she’riy to‘plami bo‘ldi. 2015-yil davomida 9942 dona she’riy to‘plam xarid qilingan.

Ikkinchi o‘rinda “30 shagov k russkomu yaziku”, uchinchi o‘rinda esa inglizcha—o‘zbekcha lug‘at qayd etilgan. Yil mobaynida o‘zbek milliy adabiyoti namoyondalari Xudoyberdi To‘xtaboyev, Abdulla Qodiriy, Cho‘lpon, G‘afur G‘ulom, Po‘lat Mo‘min hamda jahon adabiyotining mashhur adiblari Jaloliddin Rumiy, Ernest Heminguey, Daniyel Defo, Paolo Koelyo, Stendal kabi ijodkorlarning asarlari kitob savdosida yetakchilik qilib kelgan.

2015-yilda eng ko‘p sotilgan kitoblar reytingi:

1. Zulfiya. “Bahor keldi seni so‘roqlab” – 9942 dona2. “30 shagov k russkomu yaziku” – 6414 dona3. “Inglizcha-o‘zbekcha lug‘at” – 6213 dona4. X.To‘xtaboyev. “Sariq devning o‘limi” – 6130 dona5. Ibratli ertaklar. “Kenja o‘g‘il” – 6077 dona6. X.To‘xtaboyev. “Sariq devni minib” – 6010 dona7. E.Heminguey. “Chol va dengiz” – 5343 dona8. “Top, top, topishmoq” – 5025 dona9. D.Defo. “Robinzon Kruzo” – 4969 dona10. A.K.Doyl. “Sherlok Xolms va doktor Uotson sarguzashtlari” – 4963 dona11. P.Koelyo. “Alkimyogar” – 4870 dona12. D.Karnegi. Uch kitobdan iborat to‘plami. – 4733 dona13. A.Qodiriy. “O‘tkan kunlar” – 4645 dona14. G‘.G‘ulom. “Shum bola” – 4180 dona15. J.Rumiy. “Ichingdagi ichingdadur” – 4165 dona16. Cho‘lpon. “Kecha va kunduz” – 3601 dona17. D.Karnegi. “O‘z o‘ziga ishonch hosil qilish” – 3447 dona18. D.Karnegi. “Do‘st orttirish…” – 3454 dona19. Po‘lat Mo‘min. “Bo‘ladigan bolalar” – 2943 dona20. Stendal. “Qizil va qora” – 2940 dona.