Zimbabve huquq himoyachilari mamlakatdagi hukmron partiya vakillari prezident Robert Mugabening 92 yoshga to‘lishini nishonlash uchun qishloq aholisidan zo‘rlik bilan pul yig‘ilayotganini da’vo qilmoqda. Bu haqda “RIA Novosti” xabar berdi.
Cotrad huquqni himoya qilish guruhining bildirishicha, Zanu-PF partiyasi faollari har bir xonadondan bir dollar, davlat xizmatchilaridan esa uch dollardan yig‘ishtirmoqda. Maqsad stadionda bo‘lib o‘tadigan dabdabali tantana uchun 800 ming dollar atrofida mablag‘ to‘plashdan iborat. Tadbirga pul berishdan bosh tortganlar qattiq siquvga olinmoqda.
O‘z navbatida, hukmron partiya vakillari qishloq aholisi qanday qiyin sharoitda yashayotganligini bilishlari va bunday uslubni qo‘llamasliklari, yetakchilari hisoblanadigan mamlakat prezidentining tug‘ilgan kunini mablag‘ bor yoki yo‘qligidan qat’i nazar, albatta o‘tkazishlarini ma’lum qilgan.
Izoh (0)