Toshkent Shimoliy vokzaliga yondosh hududda — xalqaro pochta bo‘linmasida yong‘in yuz berdi. Bu haqda 5-fevral, juma kuniga o‘tar kechasi Facebook’dagi “Potrebitel.uz” va “Voditeli Tashkenta” guruhlarida xabar va fotolar qoldirilgan.
Foydalanuvchilarning izohlariga ko‘ra, yong‘in sabab pochta bo‘linmasi oldidagi yo‘lda transport vositalari harakati vaqtincha to‘xtatilgan. Guvohlarning so‘zlariga ko‘ra, voqea joyiga o‘ndan ortiq o‘t o‘chirish mashinasi yetib kelgan.
“Potrebitel.uz” guruhidagi foydalanuvchilardan birining qo‘shimcha qilishicha, yong‘in oqibatida hech kim zarar ko‘rmagan, bo‘linmadagi jo‘natmalarga ham zarar yetmagan.
Izoh (0)