Тошкент Шимолий вокзалига ёндош ҳудудда — халқаро почта бўлинмасида ёнғин юз берди. Бу ҳақда 5 февраль, жума кунига ўтар кечаси Facebook’даги «Потребитель.уз» ва «Водители Ташкента» гуруҳларида хабар ва фотолар қолдирилган.
Фойдаланувчиларнинг изоҳларига кўра, ёнғин сабаб почта бўлинмаси олдидаги йўлда транспорт воситалари ҳаракати вақтинча тўхтатилган. Гувоҳларнинг сўзларига кўра, воқеа жойига ўндан ортиқ ўт ўчириш машинаси етиб келган.
«Потребитель.уз» гуруҳидаги фойдаланувчилардан бирининг қўшимча қилишича, ёнғин оқибатида ҳеч ким зарар кўрмаган, бўлинмадаги жўнатмаларга ҳам зарар етмаган.
Изоҳ (0)