4-fevralning muhim yangiliklari — “Daryo”ning kechki dayjestida.
1. Zangiota tumani hokimi Sodiq Abdullayev Toshkent viloyati hokimi etib tayinlandi. Ahmadjon Usmonov Toshkent viloyati hokimi lavozimidan ozod etildi. U Toshkent viloyatidan avval Andijon viloyatiga ham hokimlik qilgandi.
2. Suriyada rossiyalik harbiy maslahatchi halok bo‘ldi. Kreml uning ismini oshkor etmayapti, Suriya muxolifati esa rossiyalik generallar yo‘q qilingani haqida bayonot berdi.
3. Yevroittifoq Turkiyaga muhojirlar bilan bog‘liq muammolarni hal etish uchun 3 mlrd yevro ajratishga qaror qildi. Turkiyaga moliyaviy yordam dasturidan ko‘zda tutilgan asosiy maqsad Yevropada boshpana izlashga majbur bo‘layotgan qochoqlar sonini kamaytirishdan iborat.
4. Toshkentda 28 va 51-yo‘nalishlardagi avtobuslar ham tez orada Wi-Fi bilan ta’minlanadi. Aytishlaricha, 14-avtobuslardagi Wi-Fi’ning tezligi binoyidek.
5. Foto: Toshkentda fevral bahori. Qisqa muddatli sovuqlardan so‘ng, yanvardagi bahor fevralga ham ko‘chdi.
Izoh (0)