Vashington KXDRda amalga oshiriladigan raketa parvozini kuzatish uchun raketaga qarshi mudofaa tizimlarini ishga tushiradi, deya xabar bermoqda “TASS” AQSh mudofaa vaziri Eshton Karterga tayanib.
Biroq u Pentagon ushbu maqsad uchun aynan qanday choralar ko‘rishini, xususan, raketa uchirilishi haqida avvaldan xabar beradigan kuchli dengiz radari o‘rnatiladimi-yo‘qmi — aniq aytmadi.
Avvalroq OAVlarda KXDR harakat radiusi 1,3 ming kilometrgacha yetadigan “Nodon” turidagi jangovar ballistik raketani uchirishga tayyorgarlik ko‘rayotgani haqida xabarlar paydo bo‘lgan edi.
2-fevral kuni Pxenyan Xalqaro elektr aloqa ittifoqi va Xalqaro dengiz tashkilotini 8—25-fevral kunlari Yerning sun’iy yo‘ldoshini uchirish rejalari haqida xabardor qilgani ma’lum bo‘ldi.
Keyinroq KXDR yetakchisi Kim Chen In mamlakatda 8-fevraldan 25-fevralgacha bo‘lgan vaqt oralig‘iga belgilangan qit’alararo ballistik raketa uchirilishini shaxsan kuzatib turishi xabar qilindi.
Izoh (0)