4 февраль, пайшанба куни кечки пайт кичик ўлчамдаги учувчисиз ҳаво қурилмаси Нью-Йоркдаги энг машҳур осмонўпар бино — 102 қаватли Empire State Building биносига келиб урилди. Бу ҳақда «ТАСС» хабар бермоқда.
Қурилма бинонинг 40-қаватига келиб урилган, сўнг 35-қаватдаги майдончалардан бирига келиб тушган. Унинг эгаси — Нью-жерсилик йигит бино қўриқчиларига қурилмани унга қайтаришларини сўраб мурожаат этган, бироқ бўлиб ўтган ҳодисадан хабар топган ходимлар уни полицияга топширган.
Қурилма ёрдамида фотосурат олмоқчи бўлгани тахмин этилаётган йигит атрофдагиларнинг хавфсизлигига таҳдид қилувчи ҳаракатга йўл қўйганликда айбланиб, қамоққа олинди.
Изоҳ (0)