Buyuk Britaniyaning G‘arbiy Yorkshir grafligidagi Xaddersfild temir yo‘l bekatida besh yildan buyon sichqonlarni tutib kelayotgan Feliks laqabli mushuk zararkunandalar bo‘yicha vokzal katta nazoratchisi etib tayinlandi. Bu haqda The Daily Mail xabar berdi.
Bekat xodimlari aytishicha, 2011-yildan buyon mushuk kemiruvchilarni tutish bilan birga, vokzalning doimiy yo‘lovchilari orasida do‘stlar orttirgan. O‘z mehnatlari uchun Feliks muntazam ravishda siylab turilgan. Endi esa TransPennine Express temir yo‘l kompaniyasi mushuk uchun maxsus nur qaytargichli jilet tiktirdi va uning ismi tushirilgan beyjik yasattirdi.
Bundan tashqari, chiptasiz kishilarni tutish uchun o‘rnatilgan to‘siqlardan tuynuk ochib qo‘yildi, u yerdan mushuk bemalol bekatga kirib-chiqishi mumkin.
Izoh (0)