O‘zbekiston oziq-ovqat xavfsizligi reytingida 9 pog‘ona yuqoriladi

Oziq-ovqat xavfsizligi darajasi bo‘yicha dunyo mamlakatlari reytingida O‘zbekiston 64-o‘rinni egalladi, deya xabar bermoqda “Norma.uz”. Bu o‘tgan yilga nisbatan 9 pog‘onaga balandroqdir.

Reytingda 109 ta mamlakat oziq-ovqat mahsulotlarining keng tarqalish va iste’mol qilinish darajasi; ularning mavjudligi va yetarliligi; oziq-ovqatlar sifati va xavfsizlik darajasi kabi uchta asosiy mezon bo‘yicha baholanadi.

Bu yil oziq-ovqat xavfsizligi darajasi bo‘yicha dunyoda AQSh yetakchilik qildi, u o‘tgan yilgi reytingda ham birinchi o‘rinda edi. Yuqori o‘nlikka, shuningdek, Singapur, Irlandiya, Avstriya, Niderlandiya, Shveysariya, Kanada, Germaniya, Avstraliya, Fransiya va Norvegiya kirdi.

Madagaskar, Chad va Burundi esa joriy reytingda eng yomon natija ko‘rsatgan mamlakatlar bo‘ldi.