Sedanga aylangan Chevrolet Spark, Oybek va Nigora uchun ma’naviyat darslari, Putin rolidagi Di Kaprio va kunning boshqa muhim yangiliklari
3-fevralning muhim yangiliklari — “Daryo”ning kechki dayjestida.
1. O‘zbekistonda ijtimoiy tarmoqlardan alkogol va tamaki reklamasi yo‘qotiladi. Xususiylashtirish, monopoliyadan chiqarish va raqobatni rivojlantirish davlat qo‘mitasi ijtimoiy tarmoqlarda alkogol va tamaki mahsulotlari reklamasini joylashtirgan ba’zi tashkilotlarga nisbatan ish qo‘zg‘atdi.
2. Sukerberg dunyodagi eng badavlat odamlar ro‘yxatida to‘rtinchi o‘ringa ko‘tarildi. Ro‘yxatda birinchi o‘rinda turgan Microsoft asoschisi Bill Geyts yil boshidan beri “atigi” 5,1 milliard dollar yo‘qotdi.
3. Dehlida Chevrolet Spark’ning sedan versiyasi namoyish etildi. Hindiston poytaxtida Spark’ning haqiqiy benefisi bo‘lyapti — Spark-sedandan tashqari har qanday yo‘lda yura oladigan (salkam jip!) Spark ham namoyish etildi.
4. Putin Di Kaprioning Rossiya prezidenti haqidagi filmda bosh rolni o‘ynash rejasidan bexabar. Kuni kecha Knightsbridge Entertainment kinokompaniyasining “Putin” nomli filmida Leonardo Di Kaprio Rossiya prezidenti rolini o‘ynashga rozilik bergani haqida xabar tarqalgan edi.
5. Oybek va Nigora ma’naviyat darslariga kelmaganligi uchun “O‘zbeknavo” tomonidan ogohlantirilgani ma’lum bo‘ldi. Yana, Dilfuza Ismoilovaning ogohlantirilishiga uning “sariq kiyimdagi rasmlari” ham sabab bo‘lgan, Tamilaning qaytib litsenziya olishi esa “juda qiyin masala”.Smartfonshunoslar uchun bonus — Test: Smartfonni tashqi ko‘rinishidan farqlay olasizmi?
