Checheniston rahbari Ramzan Qodirov Instagram’dagi sahifasida joylashtirgan va muxolifat vakili Mixail Kasyanov nishonda turgani aks etgan videoda aslida periskop (durbinsimon optik asbob) bo‘lgan. Bu haqda Checheniston milliy siyosat, tashqi aloqalar, matbuot va axborot vaziri Jambulat Umarov ma’lum qildi, deya xabar beradi Meduza.
“Shaxsan o‘zim buni yarim hazil video deb hisoblayman. U yerda qo‘rqinchli holat — nishonning o‘zi yo‘q. Bu periskop edi”, — deya ta’kidlagan Umarov. Vazir aytganlarini isbotlaydigan dalillar keltirmagan.
Eslatib o‘tamiz, oldinroq Instagram’dagi mazkur video ijtimoiy tarmoq qoidalariga zid deb hisoblangani uchun o‘chirilgani haqida xabar berilgandi.
Izoh (0)