IPM o‘simlik o‘stirish texnologiyasi ko‘rgazmasida Volkswagen kompaniyasi Transporter, Crafter va Amarok maxsus avtomobillarini namoyish etadi. Bu mashinalar bog‘ egalari, landshaft dizaynerlari va shahar tashqarisida xo‘jaligi bor insonlarga mo‘ljallangan, deya xabar beradi “Carzone.uz”.
Oltinchi avlod Transporter rusumi uch o‘qli bo‘lib, pnevmatik osmaga (podveska) ega. Uning kuzovidagi orqa to‘sig‘i yig‘iladi va yoziladi. Bu vazni 2500 kilogrammgacha bo‘lgan o‘ziyurar texnikani yuklab olishni yengillashtiradi. Uy hayvonlarini kuzovga chiqarish ham qulay.
Crafter rusumi samosvalga aylangan, kuzovi 8 kubometr yukni oladi.
Amarok avtomobiliga maxsus duga o‘rnatilgan bo‘lib, u daraxt ko‘chatlari, qurilish materiallari va narvonlar tashishga mo‘ljallangan. Yuk tashish platformasiga tirnalmaydigan, oson yuviladigan material qoplangan. Shassi va yuk platformasi 650 millimetrga uzaytirilganligi tufayli kuzovning ichi 2205 millimetrgacha yetadi hamda katta o‘lchamli yuklarni tashish imkoni yanada ortdi.
Izoh (0)