IPМ ўсимлик ўстириш технологияси кўргазмасида Volkswagen компанияси Transporter, Crafter ва Amarok махсус автомобилларини намойиш этади. Бу машиналар боғ эгалари, ландшафт дизайнерлари ва шаҳар ташқарисида хўжалиги бор инсонларга мўлжалланган, дея хабар беради «Carzone.uz».
Олтинчи авлод Transporter русуми уч ўқли бўлиб, пневматик осмага (подвеска) эга. Унинг кузовидаги орқа тўсиғи йиғилади ва ёзилади. Бу вазни 2500 килограммгача бўлган ўзиюрар техникани юклаб олишни енгиллаштиради. Уй ҳайвонларини кузовга чиқариш ҳам қулай.
Crafter русуми самосвалга айланган, кузови 8 кубометр юкни олади.
Amarok автомобилига махсус дуга ўрнатилган бўлиб, у дарахт кўчатлари, қурилиш материаллари ва нарвонлар ташишга мўлжалланган. Юк ташиш платформасига тирналмайдиган, осон ювиладиган материал қопланган. Шасси ва юк платформаси 650 миллиметрга узайтирилганлиги туфайли кузовнинг ичи 2205 миллиметргача етади ҳамда катта ўлчамли юкларни ташиш имкони янада ортди.
Изоҳ (0)