29-yanvarning muhim yangiliklari — “Daryo”ning kechki dayjestida.
1. Obamaning matbuot kotibi amerikalik amaldorning Putinning korrupsiyalashganligi haqidagi bayonotiga qo‘shildi. Shu sababli Putinning matbuot kotibi Dmitriy Peskov Obama ma’muriyatini Rossiya prezidentini haqoratlashda aybladi.
2. Neft narxi tushishi natijasida BAAda benzin suvdan ham arzonroqqa sotila boshladi. Special kategoriyasidagi asosiy yoqilg‘i (95-benzin)ning bir litri endi yarim yil avvalgiday 50 sent emas, 40 sentga tushadi.
3. Toshkentdagi G‘afur G‘ulom bog‘i Quyosh energiyasi yordamida yoritiladi. Loyiha Toshkent shahar tabiatni muhofaza qilish qo‘mitasining joriy yildagi tadbirlar rejasiga kiritilgan.
4. 2016-yilgi Olimpiada o‘yinlarida qochoqlar terma jamoasi qatnashadi. Xalqaro olimpiya qo‘mitasi rahbarining ta’kidlashicha, qochoq sportchilarning na o‘z olimpiya qo‘mitasi, na vatani, na milliy bayrog‘i va na madhiyasi bor.
5. Jo‘rabek Karimov Avstraliya Ochiq chempionatining finaliga chiqdi. 2015-yilda Avstraliya Ochiq chempionatining yarim finaligacha yetib kelgan Jo‘rabek Karimov o‘tgan yilgi natijasini yaxshilashga muvaffaq bo‘ldi.
Izoh (0)