29 январнинг муҳим янгиликлари — «Дарё»нинг кечки дайжестида.
1. Обаманинг матбуот котиби америкалик амалдорнинг Путиннинг коррупциялашганлиги ҳақидаги баёнотига қўшилди. Шу сабабли Путиннинг матбуот котиби Дмитрий Песков Обама маъмуриятини Россия президентини ҳақоратлашда айблади.
2. Нефть нархи тушиши натижасида БААда бензин сувдан ҳам арзонроққа сотила бошлади. Special категориясидаги асосий ёқилғи (95-бензин)нинг бир литри энди ярим йил аввалгидай 50 цент эмас, 40 центга тушади.
3. Тошкентдаги Ғафур Ғулом боғи Қуёш энергияси ёрдамида ёритилади. Лойиҳа Тошкент шаҳар табиатни муҳофаза қилиш қўмитасининг жорий йилдаги тадбирлар режасига киритилган.
4. 2016 йилги Олимпиада ўйинларида қочоқлар терма жамоаси қатнашади. Халқаро олимпия қўмитаси раҳбарининг таъкидлашича, қочоқ спортчиларнинг на ўз олимпия қўмитаси, на ватани, на миллий байроғи ва на мадҳияси бор.
5. Жўрабек Каримов Австралия Очиқ чемпионатининг финалига чиқди. 2015 йилда Австралия Очиқ чемпионатининг ярим финалигача етиб келган Жўрабек Каримов ўтган йилги натижасини яхшилашга муваффақ бўлди.
Изоҳ (0)