Xitoyda 20 dan ziyod chaqaloqni sotishda ayblangan kimsa qatl etildi. Bu haqda China News Service xabar bermoqda.
Tan Yunchji sheriklari bilan bolalarni o‘g‘irlash va sotish bo‘yicha biznesni yo‘lga qo‘ygandi. Chaqaloqlar mamlakat janubi-g‘arbidagi Yunnan viloyatida o‘g‘irlangan va markaziy Xitoydagi Xenan viloyatida sotilgan. 2008—2013-yillar davomida Tan boshchiligidagi jinoiy guruh 22 nafar chaqaloqni pullashga ulgurgan.
Yunchji oliy jazoga hukm etildi va mol-mulki musodara etildi. Uning sheriklariga turli muddatlardan iborat qamoq jazosi tayinlandi.
Izoh (0)