Rossiya Tergov qo‘mitasi Rossiyaning A321 layneri Misrda halokatga uchragani haqidagi ishni boshqa, “terakt” moddasiga o‘zgartirdi, deb yozadi “Gazeta.ru” Milliy aksilterrorchilik qo‘mitasi apparati rahbari o‘rinbosari Yevgeniy Ilinga tayanib.
“Tergov qo‘mitasi jinoiy moddalar, shu jumladan, ‘terrorchilik’ va ‘portlovchi moddalarning noqonuniy aylanmasi’ moddalari bo‘yicha ish olib bormoqda”, — dedi u.
Sharm-ash-Shayx shahridagi Sankt-Peterburgga tomon uchayotgan Rossiyaning A321 layneri 31-oktabr kuni Misrda qulagan edi. Hodisa natijasida 224 kishi — ekipajning yetti a’zosi va 217 nafar yo‘lovchi halok bo‘lgan.
Izoh (0)