O‘zbekistonning birinchi raqamli tennischisi — 29 yoshli Denis Istomin kelishilgan o‘yinlarda qatnashgani gumon qilinayotgan sportchilar ro‘yxatiga kiritilganidan taajjubda, deb yozadi “Interfaks”.
“Bu g‘irt bema’nilik. Bunday da’volar hech qanday asosga ega emas”, — deya Istomin nashrga ma’lum qildi.
Shuningdek, uning ta’kidlashicha, ko‘proq shov-shuvli piarni eslatuvchi ushbu tadqiqotning haqqoniyligi ko‘plab yetakchi sportchi va murabbiylarda katta shubha uyg‘otmoqda.
Eslatib o‘tamiz, avvalroq Show Legend portali so‘nggi 10 yil davomida xalqaro tennis reytingida kuchli 50 talikdan joy olib, tennisdagi kelishilgan o‘yinlarda qatnashgani gumon qilinayotgan 16 nafar tennischining ismini oshkor etgan edi. Gumonlanuvchilar orasida O‘zbekistonning birinchi raqamli raketkasi Denis Istomin ham borligi aytilmoqda. Qayd etish joiz, kelishilgan o‘yinlarda qatnashganlikda gumon qilinayotgan va ismlari keltiriglan 15 nafar tennischidan 8 nafari ayni vaqtda davom etayotgan Avstraliya Ochiq chempionati ishtirokchisi hisoblanadi. Denis Istomin chempionatning birinchi davrasidan keyinoq musobaqadan chiqib ketdi.
Izoh (0)