Ayni vaqtda Qizil maydondagi Mavzoleyda jasadi saqlanayotgan Vladimir Leninni ko‘mish masalasi alohida munosabatni talab qiladi. Bu haqda Vladimir Putin Umumrossiya xalq fronti forumidagi chiqishida ma’lum qildi, deb xabar beradi “RBK”.
“Qaytadan ko‘mish va shu kabi boshqa masalalarga kelsak, jamiyatimizni bo‘lib yuboradigan harakatlarni amalga oshirmaslik uchun bunga ehtiyotkorlik bilan yondashish kerak, deb hisoblayman. Aksincha, jamiyatimizni jipslashtirishimiz kerak, bu eng muhimi”, — dedi davlat rahbari.
Oldinroq Rossiya prezidentining matbuot kotibi Dmitriy Peskov Vladimir Leninni dafn qilish masalasi Kreml kun tartibida yo‘q ekanligini ma’lum qilgandi.
Izoh (0)