Айни вақтда Қизил майдондаги Мавзолейда жасади сақланаётган Владимир Ленинни кўмиш масаласи алоҳида муносабатни талаб қилади. Бу ҳақда Владимир Путин Умумроссия халқ фронти форумидаги чиқишида маълум қилди, деб хабар беради «РБК».
«Қайтадан кўмиш ва шу каби бошқа масалаларга келсак, жамиятимизни бўлиб юборадиган ҳаракатларни амалга оширмаслик учун бунга эҳтиёткорлик билан ёндашиш керак, деб ҳисоблайман. Аксинча, жамиятимизни жипслаштиришимиз керак, бу энг муҳими», — деди давлат раҳбари.
Олдинроқ Россия президентининг матбуот котиби Дмитрий Песков Владимир Ленинни дафн қилиш масаласи Кремль кун тартибида йўқ эканлигини маълум қилганди.
Изоҳ (0)