Дунё бозорида нефть нархининг тушиб кетиши Колумбия ва Венесуэлани нефтни ўз таннархидан арзонроқ сотишга мажбур қилмоқда. Бу ҳақда Reuters ушбу мамлакатлардаги учта нефть компаниясидаги манбаларига таяниб хабар берди, деб ёзади «Ведомости».
Йирик нефть ишлаб чиқарувчиси бўлган Эквадор президенти Рафаэль Корреа ҳам яқинда мамлакат нефтни унинг таннархи — бир баррель учун 24 доллардан арзонроқ қийматда сотишига тўғри келаётганини айтган эди. Бу вазиятда у бюджет харажатларини қисқартириш зарурлигини таъкидлади.
Венесуэланинг Diluted Crude Oil (DCO) нефти ҳам зарарига сотилмоқда, айни пайтда унинг нархи бир баррель учун 15 долларни ташкил қилади. Колумбиянинг Vasconia нефти эса баррелига 21 доллардан сотилмоқда.
Изоҳ (0)