Rossiyaning Rostov viloyatida cho‘chqa grippi bilan kasallangan odamlar soni 185 kishiga, ushbu kasallikdan vafot etganlar esa olti kishiga yetdi. Bu haqda “TASS” xabar bermoqda.
Vafot etganlar orasida kamida bir nafar yosh bola bor. Qizaloq shifoxonada hayotdan ko‘z yumgan. Ba’zi OAVlar xabariga ko‘ra, uning o‘limi o‘z vaqtida tibbiy yordam ko‘rsatilmagani oqibatida yuz bergan. Hozirda Rossiya Tergov qo‘mitasining viloyat Tergov boshqarmasi “Ehtiyotsizlik oqibatida o‘limga sabab bo‘lish” moddasi bo‘yicha jinoyat ishini qo‘zg‘atgan.
Rostov viloyatida grippning og‘irlashib ketishi natijasida zotiljam paydo bo‘lgan 852 kishi qayd etilgan. Ulardan 720 kishi statsionarga yotqizildi, 35 kishi intensiv terapiyada palatalarida davolanmoqda. Statsionarda 94 nafar bola bor, yana bir bola jonlantirish bo‘limida bo‘lib turibdi.
Izoh (0)